Подобар раст на БДП во Македонија по подолго време
Објавено во: Економија 04 Септември, 2024 13:14
Македонија по подолго време забележа до некаде задоволителен квартален раст на бруто домашниот производ.Според проценетите податоци на Државниот завод за статистика, стапката на раст на бруто-домашниот производ (БДП) во второто тримесечје од 2024 година е 2.3 отсто.
Растот на БДП во истиот период минатата година изнесуваше 0,9 отсто, додека БДП во првиот квартал од 2024 беше 1,2 проценти позитивен раст.
Растот е забележан благодарение на повисокиот процент кај дејностите на домаќинствата, стручни, научни и технички дејности и административни и помошни услужни дејности.
„Финалната потрошувачка на домаќинствата, вклучувајќи ги непрофитните институции кои им служат на домаќинствата, во второто тримесечје од 2024 година, номинално расте за 4.7 %, а нејзиното учество во структурата на бруто домашниот производ изнесува 74.5 %. Во истиот период, извозот на стоки и на услуги номинално е намален за 3.4 %, а увозот на стоки и на услуги забележа намалување во номинален износ од 5.2 %. Бруто-инвестициите во второто тримесечје од 2024 година бележат зголемување во делот на бруто инвестициите во основни средства, а намалување во промената на залихите“, објави Заводот за статистика.
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
