Полицијата трага по штитеничка од „Ранка Милановиќ“
Објавено во: Македонија 21 Март, 2018
Скандалите околу поправните домови и домовите за деца без родители не стивнуваат.
Во текот на вчерашниот ден штитеничка од Домот „Ранка Милановиќ“ е пријавена за исчезната. Според информациите од МВР, вчера во 11 часот, во полициската станица Гази Баба раководителката на Домот пријавила дека на 8-ми март штитеничката на Домот со иницијали С.Р. се оддалечила во непознат правец.
Девојчето го напуштила домот и исчезнала на 8 март, а раководителите пријавиле дури после 12 дена. Се поставува прашањето зошто надлежните од домот молчеле чекале толку долг период , иако според Законот за исчезнато лице се смета лице кое не се појавило повеќе од 24 часа.
Оваа непрофесионалност и неодговорност на институциите во случајот со исчезнатите штитеници, оние за кои според Закон се одговорни да се грижат досега е крајно алармантна. Ниту раководителите на домовите, ниту Царовска нема одговор за што се случува во овие установи кои наместо да ги згрижат децата ги оставаат на милост и немилост на улица.