Полицијата уапси две жени кои мамеле граѓани ветувајќи им визи за Германија
Објавено во: Македонија 21 Март, 2023
Полицијата приведе две женски лица во Гостивар кои мамеле граѓани ветувајќи им визи за Германија. Тие земале пари од жители од повеќе градови.
Полициски службеници на СВР Тетово-Одделение за внатрешни работи Гостивар вчера околу 14.15 часот ги уапсиле тетовката А.А.(41) и 26-годишната Ф.Б. од гостиварско Србиново. Тетовката, која во Гостивар престојувала кај Ф.Б, се сомничи дека лани и оваа година на подрачјето на Гостивар, Тетово и Скопје направила повеќе од 5 измами, лажно ветувајќи им на измамените дека ќе им обезбеди работни визи за Германија, за што им побарала и добила одреден паричен надоместок. И во минатото во билетните на полицијата имало слични измами.
foto freepik.com/anyaivanova