Политичка парада, заглавена хуманитарна помош!

Добивај вести на Viber

Неколку часа камион полн со хуманитарна помош собрана од активисти од Куманово организирани на социјалните мрежи вчера останал заглавен во уличките низ скопското село Стајковци  бидејќи полицијата морала да го стопира сообрајќајот за побрзо да поминат низ метежот политичари од  власта кои биле во обиколка на погоденото подрачје од невремето. Активистот Александар Крстевски,  претседател на организациониот  одбор на ФБ група КУМАНОВО ЗА СКОПЈЕ кој досега многупати бил дел од хуманитарни тимови во земјава и надвор вели дека поради ваквите политички парадирања страдаат најзагрозените, оние кои чекаат помош, а тешко ја добиваат, оние кои со часови и денови сами ги санираат штетите и последиците од невремето, а добиваат само насмевка и тапкање по рамо од политичарите. Ваквата слика според него покажува дека ниту мислат ниту сакаат да помогнат, ако сакаат надлежните и пред се одговорните тоа можат да го решат веднаш и без рекламирање. “Денеска дел од политичарите во власта парадираа и не спречија да дојдеме на самото место сигурно два часа. А за тоа време додека некој парадира   пред камери ќе можеше да исчистиме уште некој двор, па сега вие видете каква е ситуацијата во Македонија.Парадирањето е својствено за фазаните кои ја развиваат убавата опашка за да некој се залета на истата, ама за нивно лично добро. Кај нас е проблем што опашката е многу долга и нема место за сите.Јас мислам подобро е со својата кокошка во својот двор отколку со фазаните во нивните дворови”-нагласува хуманитарецот  Александар од Куманово. На терен вели има хумани граѓани кои сакаат да пружат помош но нема координација. Брзата интервенција и навремената помош според него во ваква состојба се најпотребни. “Секоја непогода ги зближува луѓето. Но, тоа не значи дека посакуваме непогоди. Едноставно живееме во реалноста која знае да биде измешана и со среќа и со несреќа. Важно е и во едниот и во другиот случај да ја споделиме едни со други. И во едниот и во другиот случај мора да постои координација инаку настанува хаос. Беспотребни ви се 200 волонтери ако за нив не набавите опрема. Беспотрени ви се 300 лопати и 300 волонтери ако ги однесете на погрешно место. Сето тоа на крај се средува, но се губи најважното-време, а за настраданите времето и помошта се јаважни по принципот ВЕДНАШ И ТУКА”-додава Крстевски. Дваесетина активисти кои  од Куманово вчера дојдоа во скопското село Стајковци  велат дека ова село сега за нив има посебно значење зошто  тука живее семејството Крстиќ кое успеа да ја спаси нивната сограѓанка Емилија Цветковска од сигурна смрт во поплавата која пред пет дена беснееше во овој реон. “Скоро секој човек во основа е хуман, само треба да му дадете можност да ја покаже хуманоста. Примерот на семејството Крстиќ од Стајковци , и на многу други во тие првични моменти ја покажува суштината на човековиот нагон , да му се помогне на унесреќениот , дури и во ситуација во која постои директна лична животна загрозеност. Тие луѓе заборавиле за себе кога слушнале дека некој бара помош. Ако Крстиќ и сличните во тие моменти ги ставиле на ризик нивните животи и животите на нивните семејства за да спасат некоја Емилија, Јадран, Асан..., тогаш она што ние го правиме е само капка во морето на хуманоста. Нашиот хуманитарен бенд од Куманово го чинат слични луѓе на кои никој не треба да им каже дека треба да помогнат. Од друга страна и кумановчани ,како впровчем и останатите граѓани, секогаш се одзиваат на повикот за помош. Ние бевме , сме и остануваме само како еден вид на катализатор и усмерувач на нивната хуманост”- додава хуманитарецот. Оваа катастрофа според  хуманитарецот Александар треба да  биде аларм дека секое место има степен на ризик за кој има влијание и човечкиот фактор, неажурноста на институциите  и природата, но секој мора да биде одговорен пред себе и пред своите деца за постапките кои директно влијаат на нивната иднина. Среќен е што нивната сограѓанка Емилија која е мајка на три деца повторно може да се радува на секој нов ден, на новата шанса која и ја даде животот и брзата реакција и прибраната реакција на Стајковчани. “Нашата сограѓанка  се сретна по наша иницијатива ,таа беше видно потресена но собра сили и заедно со сите нас волентери давајки и подршка одлучивме овде  да стигне прва помош за хуманите луѓе и најпогодените граѓани. Сметам дека имаше простор за побрза и поефектна реакција веднаш во првите часови од катастрофата. Ние, како еден, можам слободна да кажам хуманитарен бенд од Куманово, не чекавме да не изненади снег во Декември. Тоа е една група на хуманираци волонтери кои реагираат веднаш.Така беше и кога се случија поплавите во Србија и Босна, така беше кога започна бегалската криза минатата година. Веднаш во неделата се собравме, оформивме ФБ група, направивме координативно тело и почнавме.Толку малку, а толку важно”- потенцира кумановецот. На терен вели затекнале многу хумани луѓе, но и многу болка и очај во семејствата кои ги загубиле своите најблиски, своите домови кои ги граделе со години и во кои го вложиле сиот свој живот, заштеда, надеж. Неколку дена од катастрофата вели се гледа раздвиженост и акција но прашува  дали оваа акција можеше и порано да се случи на инстутиционално ниво?! Времето ке покаже. “Се поголем е бројот на граѓаните кои се вклучуваат. Можеше и порано, но повторувам, иако сите во основа сме хумани, некои реагираат побргу некои подоцна. Државните органи сами по себе се ригидни. Нив секогаш им треба време, анализа,планови, стратегии...а многу често потоа заклучуваат дека нешто им фали: дефектни возила, дефектна опрема, изгубен клуч од некој магацин или од резервоарот за бензин. Затоа обичните граѓани, волонтери , се обично првите на барикадите на помошта. Мислам дека веќе од утре овде ќе има се поголем број на волонтери, се поголема количина на помош за настраданите. Од друга страна , луѓето имаат и моќ на адаптација во новонастанати околности , така да по првиот шок, по првата помош која ќе им пристигне, едноставно се соземаат, ја прифаќаат ситуацијата како реалност, колку и да е тешка и продолжуваат понатаму”- вели Александар. Катастрофите од ваков тип според него се непредвидливи. Но далекусежноста на мислата на вистинските стратези на човековата безбедност и општествена одговорност е во создавање на услови за намалување на последиците од катастрофите. Холандија како што вели  е под вода но е сува, Токио уште не се сруши иако е на најтрусното подрачје во светот. “Ако и после оваа катастрофа веќе утре некој не реши да направи огромни одводни канали, да ги пошуми соголените брда, и не размисли за сите населени места во Македонија, нивната поставеност и потенцијална опаснот, тогаш пак после 100, 200 или 500 години некои следни генерации ќе викаат дека не можеле ништо против една ваква природна катастрофа. Кој ќе биде виновен тогаш за жртвите? Па, нормално оние , кои живеат сега, кои се општествено одговорни, а кои земале плата само за да стигнат до пензија. Јавна свест не постои. Постои само индивидуална свест. Мислите дека Германија е чиста затоа што Германците се природно многу педантни или имаат одличен систем за развивање на педантноста ? Некои луѓе кога ќе сакат да фрлат ѓубре гледаат дали има канта или не. Ако нема тогаш отпадокот го ставаат во џеп и го одложуваат во првата канта. За други, канта за отпадоци е целата нивна околина. За таквите постојат санкции, а санкциите треба да ги постави и реализира државата, ако мисли за останатите граѓани кои треба да бидат општествено одговорни за себе и за своите деца”-  порачува активистот   Александар Крстевски од Куманово. С.Б.