ПОНУДА ЗЕМИ ИЛИ ОСТАВИ ЗА „РАМКОВНО“ ВРАБОТЕНИТЕ - ќе го реши ли власта проблемот кој државата ја чини 8 милиони евра годишно
Објавено во: Економија 10 Декември, 2020
Владата вчера обелоден дека скроила закон за „рамковно“ вработените административци, нагласувајќи дека со него ќе им понуди две шанси за да почнат со работа, а ако не ги прифатат - ќе добијат отказ.
Според законот, државата мора да им понуди најмалку иста плата, но не и пониска од онаа која претходно ја земале. Затоа во предлог буџетот за 2021 година била предвидена слична сума како за годинава, или 9,3 милиони евра за 1.430 вработени.
Според владините функционери, законот е веќе во собраниска процедура, и откако тој би се изгласал, би почнала постапката на подготовка на планот за нивно распоредување.
Ако се пребара на веб страна на Собранието, никаде не може да се најде овој законски текст, со цел јавноста да има прилика да види како власта ќе го решава овој долгогодишен проблем со нашите сограѓани кои земаат државна плата, а за тоа не даваат никаков учинок кон државата.
Во Министерството за политички систем вработени се вкупно 1.500 лица. Тоа го покажуваат официјалните податоци. Годишно, секој од ове луѓе добива по 6.300 евра, или по повеќе од 500 евра месечно, плата која многумина можат да ја сонуваат.
За нив нема да се отвораат нови работи места, туку зависно од образованието ќе се пополнуваат празни места во државните институции. Се предвидуваат неколку услови - местото на живеење, степенот на завршено образование, согласно годишните планови на сите тие институции под државната управа, празните места и слично.
Министерот за информатичко општество и јавна администрација, Јетон Шаќири, вчера изјави дека ако „рамковните“ вработени ги одбијат и двете опции од државата, тие конечно ќе останат без работа.
„Ова е добар нацрт закон и сите треба да имаме предвид дека е решавање на долгорочен проблем. Посакувам на трансфер листата да има што помалку вработени и процесот да заврши во првата фаза“, рече министерот Шаќири.
Во изминатите 10 години за рамковните вработувања, буквално за земање плата без никакви обврски, земјава потроши околу 90 милиони евра.
Н.Н.Ф.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
НАЈНИСКО НИВО ЗА ДВЕ ГОДИНИ: Се намали вредноста на еврото во однос на доларот
МИЦКОСКИ: Договорена е каматна стапка од 1,95 отсто, до три години грејс период и до 15 години рок на отплата за компаниите
НАЈВИСОКИ ПЛАТИ ВО МАКЕДОНИЈА: Кои сектори се на врвот?
Вицегувернерката Нацевска на состанок на вицегувернерите од Западен Балкан за пристапниот процес кон СЕПА
МЕГАПРОЕКТ КОЈ ЈА МЕНУВА СЛИКАТА НА ЦЕЛИОТ КОНТИНЕНТ: Вреди 3,1 милијарди долари, го изградија Турците
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
