Поради предупредувачки штрајк на 2 септември наставниците нема да ги примаат учениците
Објавено во: Македонија 29 Август, 2019
На 2 септември наставниците нема да ги примаат учениците.
Претседателот на СОНК, Јаким Неделков најави дека наставниците ќе го одржат предупредувачкиот штрајк на првиот училишен ден, откако од Министерството за образование нема најава дека ќе почнат преговори со синдикатот за поголемо зголемување на платите.
Планирано е наставниците да дојдат на работа во понеделник, но денот ќе го поминат на работното место без да ги примаат децата.
„Тие што штрајкуваат нема да прифаќаат деца, ниту пак да изведуваат некаква настава“– вели Неделков.
Неделков бара родителите да имаат трпение.
Наставниците во основното и средното образование бараат зголемување на платата од 25 отсто, наместо како што најави Владата 5 отсто.