Последна средба на Путин и Обама
Објавено во: Свет 20 Ноември, 2016
Владимир Путин, претседателот на Русија, најверојатно за последен пат се сретна со Барак Обама кој е претседател во заминување на САД, за време на АПЕК самитот во Перу.
Средбата е на маргините и не е од формален карактер, па прес службите на Кремљ и Вашингтон кратко соооштија дека двајцата претседатели разговарале за неколку актуелни прашања.
Се очекува односите меѓу Русија и САД да доживеат рестартирање откако на функцијата во Белата куќа ќе стапи новоизбраниот претседател Доналд Трамп кој искажа почит кон Путин и неговата заложба за борба со тероризмот и поразување на ИСИС, а имаше и неколку контроверзни изјави за улогата на САД во НАТО сојузот кои ги загрижија сојузниците.
Руската страна очекува односите да се подобрат доколку САД покаже знаци на пријателство за што може да се разговара во следниот период.