ДРЖАВА ВО САД СИ ГО СМЕНИ ЗНАМЕТО: Која е причината?
Објавено во: Свет 13 Мај, 2024
Американската сојузна држава Минесота минатата недела официјално си го смени знамето. Отсега старото знаме усвоено во 1957 година повеќе нема да се вее на ниту еден владин објект.
Старото знаме го симна Националната гарда на Минесота и на негово место е подигнато новото. Старото знаме кое се вееше над локалниот Капитол ќе се чува во колекцијата на Историската заедница на Минесота.
Стариот грб претставуваше кружна илустрација на пејзажи на државата; на преден план илустрација на доселеник белец кој ора нива, покрај него пушка навалена на дебло, во заднина е насликан Индијанец вооружен со копје качен на коњ.
Новото знаме сега е поминималистичко. Составено е од три бои, бела сина и темно-сина насликана Поларна звезда од левата страна и со опис L’Étoile du Nor (звезда на Северот), единствено мото на држава на САД на француски јазик.
Селекцијата ја вршеше специјална комисија за избор на новото знаме во текот на повеќе месеци. Во потесен избор беа разгледувани 2.128 варијанти.