Последниот ден од неделата ни носи врнежи
Објавено во: Мои пари 05 Февруари, 2015 20:35
Петок ќе биде особено врнежлив околу средината на денот. Иако врнежите во западниот дел од земјата ќе започнат рано наутро, во овој крај нивната „кулминација“ ќе биде доцна претпладне. Попладне ќе биде поголем интензитетот на врнежите во источниот крај, а во централниот регион околу пладне. Веќе вечер овој блиц, но интензивен атмосферски фронт ќе ја напушти земјава. Локално, врнежите ќе бидат доста интeнзивни, па за кратко време се очекува да наврнат околу 30 литри на метар квадратен воден талог, информираат од МЕТЕОПРО.
На планините над 1500 метри врнежите ќе бидат од снег. Ќе дува умерен, а долж Повардарие и овчеполско- штипскиот регион и засилен југоисточен ветер.
Утрото ќе биде топло. Минималната температура ќе има вредност околу 5°С низ поголем дел од населените места, a минимална до 9°С се очекува во Гевгелиско - Дојранскиот крај. На повисоките места минималната ќе „падне“ до околу 1°С.
Максималната температура ќе има вредност околу 9°С низ котлините во земјава. Во јужниот дел на земјава максималната ќе достигне вредност околу 12°С, а на повисоките места во западниот регион околу 3°С.
Во скопската котлина според информациите на МЕТЕОПРО се очекува облачно време со врнежи од дожд кои ќе бидат поинтензивни околу пладне. Ќе дува умерен, а повремено и засилен југоисточен ветер. Минималната температура ќе има вредност околу 5°С. Дневниот максимум на температурата на воздухот ќе достигне вредност до 9°С.
Можеби ќе ве интересира
Богати празници со „Лото 7“ - 7-ка над 1 000 000 евра може да оствари повеќе од еден сон
ТАВ Македонија го прослави 3 милионитиот патник во една година на Меѓународниот Аеродром Скопје
Македонија2025 со рекордни резултати во 2025: поддржани 2.573 лидери и таленти, 168 бизниси и 190 стипендисти
Дијалог меѓу традицијата и современоста во Скопје Cити Mол
СО ПОДДРШКА ОД ВИДЕОЛОТАРИЈА КАСИНОС АВСТРИЈА, ОПЕРСКАТА КЛАСИКА „СЕВИЛСКИОТ БЕРБЕР“ ВО МОБ
Како пензиските заштеди стануваат дел од иднината на целото семејство
Празничен промо депозит од ПроКредит Банка - Повеќе добивка за одличен старт на 2026
Louis Latour — Вечер на луксуз и бургундска елеганција во Salvatore
