Потпишан меморандум за соработка меѓу Царина и МЕПСО

Добивај вести на Viber

Директорот на МЕПСО, Синиша Спасов и директорот на Царинската управа на Македонија, Ванчо Каргов потпишаа меморандум за соработка. Царинската управа и МЕПСО потпишаа Меморандум за меѓусебно разбирање и соработка. Целта на склучувањето на овој Меморандум е идентификување на специфични подрачја и предмети каде соработката и координацијата помеѓу Царинската управа и МЕПСО е од есенцијално значење за спроведување на контролата на увозот, извозот и транзитот на електрична енергија во Македонија, при тоа водејќи сметка за принципите за оценка на ризик, барањата и размена на информации помеѓу договорните страни, како и јасно дефинирање на административните и технички процедури за остварување на потребното ниво на соработка и координација. Со овој Меморандум се уредува координацијата и процедурите за соработка помеѓу Царинската управа и МЕПСО при пренос на електрична енергија низ високонапонската мрежа, управување со електроенергетскиот систем на Македонија и спроведувањето на мерките за царински надзор, царинска контрола и царинењето на електрична енергија.