Повеќе инспектори за побрз транзит на храната
Објавено во: Економија 31 Мај, 2013
Се интензивираат активностите за забрзување и олеснување на увозот и транзитот со храна. Технички се доопремуваат граничните премини и аеродромите, се изготвуваат системски решенија и се планира зголемување на бројот инспектори за ефективно завршување на процедурите.
Ова го соопшти заменик директорот на Агенцијата за храна и ветеринарство Абдулезел Догани кој вчера во Стопанската комора имаше состанок со транспортерите и шпедитерите.
- Агенцијата за храна и ветеринарство, во интерес на унапредување на соработката ќе ги разгледа предлозите на транспортерите и шпедитерите, по што за 2-3 недели ќе се одржи уште еден, заеднички состанок, на кој ќе предложи и донесе конкретни мерки, рече Догани по состанокот.
Разгледани се повеќе прашања за унапредување на системите за контрола при увозот и транзитот на храна. Претставниците на Македонската транспортна асоцијација и на Групацијата на меѓународни шпедитери и логистички оператори предложија сет мерки со кои ќе се забрзаат инспекциските контроли на граничните премини и ќе се намали времетраењето на транспортот.
Во однос на плаќањето на давачките за извршените прегледи предложено е Агенцијата да разгледа можни решенија при обезбедувањето доказ дека плаќањето е извршено за да нема застој поради административни процедури. Во оваа насока, како што информира Догани, при контролите на храна која се превезува со железнички транспорт предложено е да се зголеми бројот на инспектори кога е најавено пристигнување храна на железничките гранични премини, како и зголемување на бројот на инспекторите на патните гранични премини во деновите или во периодите на денот кога е зголемена фреквенцијата на увоз или транзит на пратки со храна.
Според заменик директорот, дел од прашањата на транспортерите и шпедитерите веќе системски се решаваат преку подготвока на законски и поздаконски акти со цел забрзување и олеснување на постапките.
Можеби ќе ве интересира
УШТЕ ЕДНА ЗЕМЈА САКА ДА ВЛЕЗЕ ВО БРИКС: Земја сојузник на Путин
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
АРХИТЕКТОНСКО ЧУДО КОЕ ГО ИМПРЕСИОНИРА СВЕТОТ ВЕЌЕ 24 ГОДИНИ: Мост кој се претвора во подводен тунел и излегува во друга земја
