ПОВЕЌЕ ОД 52.000 ЛУЃЕ СЕ ПОВРЕДЕНИ ВО ГАЗА: Порасна и бројот на загинати Палестинци
Објавено во: Свет 20 Декември, 2023
Расте бројот на загинати во Газа. Од октомври се убиени над 20.000 луѓе.
Канцеларијата за медиуми на владата на Хамас објави соопштение на Телеграм, во коe се вели дека бројот на загинатите од израелските напади во Газа сега надмина 20.000. Повеќе од 52.000 луѓе се повредени во Газа од почетокот на војната. Израелскиот премиер Бенјамин Нетанјаху денеска ја отфрли можноста за итен прекин на огнот во Газа „пред елиминацијата на Хамас“. Тој изјави дека секој што мисли дека Израел ќе ја прекине војната пред да ги постигне своите цели, „не е поврзан со реалноста“.
„Нема да престанеме да се бориме додека не ги постигнеме сите цели што си ги поставивме: елиминација на Хамас, ослободување на нашите заложници и крај на заканата од Газа“, вели премиерот.
Високиот функционер на Хамас, Осама Хамдан, изјави денеска дека палестинската исламска организација не е заинтересирана да ги ослободи заложниците „само Израел подоцна повторно да бомбардира“. Хамас на 7 октомври изврши напад на Израел и оттогаш има воени дејствија.