ПОВРЕДЕНИ СЕ СКОРО 800 ВОЈНИЦИ: Колкави се загубите на Израел во офанзивата на Газа?
Објавено во: Свет 22 Декември, 2023
Најмалку 784 израелски војници се повредени од копнената офанзива.
Израелската армија објави дека најмалку 784 нејзини офицери и војници се повредени од почетокот на нејзината копнена воена операција во Газа. Бројот на загинати војници од 7 октомври досега изнесува 471, соопшти војската.
Во првиот месец од војната со Хамас, Израел фрли стотици бомби тешки околу 900 килограми на Појасот Газа, од кои многу можеа да погодат луѓе на оддалеченост поголема од 300 метри, покажуваат анализите на Си-Ен-Ен и компанијата за вештачка интелигенција Synthetaic. Палестинската терористичка група Хамас на 7 октомври почна напади на Израел. Бараат формирање на независна држава Палестина со главен град Ерусалим. Според информациите кои ги објавува Хамас, во Газа загинале над 20.000 Палестинци.