ПОЗНАТИОТ БИЗНИСМЕН ПОВТОРНО Е НАЈБОГАТ ЧОВЕК НА СВЕТОТ - поседува повеќе од 200 милијарди долари, еве кого симна од тронот и кој му дише во врат

Добивај вести на Viber

Џеф Безос повторно го зазеде првото место на најбогат човек на светот, пишува Poslovni puls.

Според индексот на милијардери на Блумберг, ко-основачот на Амазон го симна од тронот Бернард Арно и сега е на првото место меѓу 500-те најбогати милијардери во светот.

Богатството на Безос е 209 милијарди долари, а неговото богатство се зголеми за 32 милијарди долари од почетокот на оваа година бидејќи акциите на Амазон скокнаа за речиси 25 проценти.

Илон Маск е следниот најбогат човек во светот по Безос и Арно, со нето богатство од 200 милијарди долари. Најдобрите пет ги заокружуваат Марк Закерберг со богатство од 179 милијарди долари и ко-основачот на Google, Лери Пејџ, со нето богатство од 156 милијарди долари.

Блумберг претходно објави дека минатиот месец Безос дал 117 милиони долари, повеќе од половина од приходите од продажбата на 1,1 милион акции во текот на два дена, за финансирање на предучилишните установи што ги основал. Пред две години тој вети дека поголемиот дел од своето богатство ќе го донира во добротворни цели.