Германските инвеститори со критика за правната сигурност и администрацијата

Добивај вести на Viber

Високи 90% од членките на Македонско-германското стопанско здружение сакаат да инвестираат повторно во Македонија. Ова го покажа анкетата за бизнис климата во државава која ја спроведе стопанското здружение заедно со Унијата на германските комори за индустрија и трговија во Скопје. Анкетирани се 165 членки на ова здружение. Според германските инвеститори, економската состојба во земјава е задоволителна, и Мкаедонија има иднина како економска дестинација. Она што им пречи пак е неефикасноста на јавната администрација, правната сигурност и процесот за членство на државата во ЕУ. Сепак половина од  членките на Македонско-германското стопанско здружение планираат зголемување на инвестициите, како и раст на извозот. 21% од анкетираните фирми изјавиле дека состојбата им е подобра од лани, 48 проценти дека нема да се промени, а 21 отсто мислат дека состојбата ќе се влоши. Во однос на бројот на вработените, споредено со лани, 33 проценти од фирмите изјавиле дека ќе вработуваат, за 44 проценти бројот на вработени останува ист, додека 23 отсто очекуваат намалување на бројот на своите работници.