ПРЕДЛОГ ЗА ПРИТВОР ЗА ТРОЈЦА ОД ПРИВЕДЕНИТЕ КОИ СЕ ПОВРЗУВААТ СО ИСЧЕЗНАТАТА ВАЊА: Истрагата продолжува интензивно
Објавено во: Македонија 03 Декември, 2023
Јавното обвинителство
соопшти дека во текот на целиот ден се преземаат дејствија за обезбедување докази.
-За тројца од петтемина приведени во текот на вчерашниот ден, јавен обвинител до Основниот кривичен суд Скопје достави предлог за определување 48-часовен притвор со цел да биде обезбедено нивното присуство до целосно расчистување на настанот. Јавното обвинителство и МВР ќе ја информираат јавноста веднаш штом се создадат услови кои нема да ја нарушат постапката. Сите шпекулации кои имаат за цел да ја компромитираат истрагата во овој момент ќе бидат најостро санкционирани, наведува ЈО во соопштението.
Инаку, во текот на вчерашниот ден полицијата приведе пет лица, а заплени и возило кое се вештачи.