ПРЕСТОЛНИНА НА КОКАИНОТ ВО ЕВРОПА: Koј град го доби овој епитет?
Објавено во: Свет 09 Март, 2018
Eвропската Агенција за борба против дрогата неодамна објавила најнов извештај за 2017 година, со листа од градови во ЕУ во кои најмногу се користи кокаин, амфетамин, МДМА и кристален мет. Први на листата се Барселона, Амстердам и Ајндховен.
Барселона е главен град на кокаинот во Европа. Овој шпански град, познат по своите одлични временски прилики, се нашол на врвот на табелата во анализата за употреба на дрога ширум Европа.
Лондон оваа години не се нашол на листата, а бил на првата позиција во текот на 2014. и 2015. година.
Во овој извештај, откриено е дека холандскиот град Ајндховен е главен град за користење на спид.
Амстердам се нашол на првото место според користењето на МДМА, а за Кемниц во Германија утврдено е дека најмногу се користи кристален мет.
Истражувачите ги добиле овие резултати по анализата на примероците од отпадните води од 56 градови во 19 европски земји.