Претседателот на албанската бизнис дијаспора се досели во „Соравиа“
Објавено во: Економија 24 Јули, 2023 07:50
Назар Мехмети од Далас, претседател на албанската бизнис дијаспора (ADBN), ја шири деловната мрежа во Македонија со новорегистрирана фирма на адреса на трговскиот центар „Соравиа“.
Компанијата „Американ Инвестмент Груп“ е регистрирана на адресата „Филип Втори Македонски бр.3“ со амбициозен почетен влог од 3 милиони евра и со дејност „на советување во врска со работењето и останато управување“.
Бизнисменот кој во САД е познат уште и по името Ник, според она што може да се види во медиумите кои известуваат за неговите деловни контакти, се поврзува со четириесет и една компанија. Компаниите биле формирани во период од четириесет и две години. Дваесет и шест од компаниите се сè уште активни, додека останатите петнаесет сега се наведени како неактивни.
Ник Мехмети е познат и по организацијата на економски форуми, конференции и промоции на кои учествуваат и странски политичари од регионот и од светот, меѓу кои некогашните косовски претседател Хашим Тачи и премиер Рамуш Харадинај, министри, како и бизнисмени од типот на Лазим Дестани.
Од она што може да се прочита во медиумите на албански јазик, лобито на Мехмети најмногу е сконцентрирано во Вашингтон со обиди за влијание и на политичката ситуација во Косово.
А.К.
Можеби ќе ве интересира
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
ЕБОР: Рекордно ниско ниво на лоши кредити во Централна, Источна и Југоисточна Европа
На бензинските пумпи се појави нов вид гориво: Ќе се испорачуваат со „розови пиштоли“, а ќе може да се користи во сите автомобили
Планирате патување на одмор? Овие аеродроми во Европа ќе штрајкуваат до крајот на годината
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
