Приходите на ЗК Пелагонија двојно пораснаа - Каква е добивката?
Објавено во: Финансии 02 Април, 2018
ЗК Пелагонија АД Битола, како една од најголемите компании за производство на житни култури, бележи драстично поголеми оперативни активности во текот на целата 2017 година, што е многу видливо од годишниот финансиски извештај, но како таа оператива се одрази на крајот на вкупната добивка?
ЗК Пелагонија има одличен раст на оперативните приходи, особено на приходите остварени од продажба. Така во 2017 година има 3,1 милијарда денари оперативни приходи или речиси двојно повеќе од годината претходно.
Вкупно ЗК Пелагонија оствари продажба вредна 2,8 милијарди денари или околу 45,6 милиони евра, од кои грото се на домашниот пазар. Раст има како во продажбата на домашниот пазар која е и најважна во овие резултати, а добри сигнали прикажува и продажбата во странство која од само 135 илјади евра во 2016 година се зголемила на дури 2,1 милиони евра во годината која измина.
Зголемената активност на ЗК Пелагонија повлекува и раст на оперативните расходи кои изнесуваат 2,5 милијарди денари или околу 40,9 милиони евра. Тоа е за дури 12,9 милиони евра поголеми оперативни расходи во однос на 2016 година, па така и крајниот резултат не остава простор за огромна добивка, или пак огромен раст на самата добивка во однос на годината претходно.
ЗК Пелагонија 2017 година ја завршува со добивка од 1,5 милиони евра, или за речиси 90 илјади евра повеќе од 2016 година. Овие податоци се од консолидираниот извештај што значи дека пресметани се резултатите на сите друштва и фирми со кои раководи ЗК Пелагонија АД Битола, односно сите нивни бизнис потфати.
ЗК Пелагонија одамна нема доделено дивиденда. Нивните акции во моментот на пишување на овој текст на Македонската берза имаат вредност од 2810 денари, а запишаната книговодствена вредност на една акција изнесува 15.073,44 денари.
Неодамна во ЗК Пелагонија имаше и мало престројување на сопственичката структура, па така АД Жито Полог Тетово продаде дел од своите акции и остана на само 3,52% од сопствеништвото на друштвото, додека пак над 5% од сопственичката структура стигна акционерот Ненад Јосифовиќ со учество од 7,34% по откупот на нови акции.
Автор: Христијан Станоевиќ
Можеби ќе ве интересира
Оваа работа може да ви донесе и до 15 000 евра по сезона: Си работите 10 минути покрај море, а покрај тоа капнува и бакшиш!
Оние жолти мали центи кои ви се моткаат низ паричник можеби вредат многу повеќе: На една вредноста и е 2500 евра-еве ја листата
БАНКАРСКА ЕКСКЛУЗИВА: СЛОВЕНЕЧКАТА НЛБ ПЛАНИРА ДА ЈА ПРЕЗЕМЕ АВСТРИСКАТА АДИКО БАНКА - таа е моќна во регионот, еве што би добиле Словенците
„МРТВА ТРКА“ МЕЃУ ЕДНА БАНКА И ЕДЕН ТЕЛЕКОМУНИКАЦИСКИ ГИГАНТ - кој колку „тежи“ на домашната бизнис сцена
ВРЕДАТ НЕВЕРОЈАТНИ 43 МИЛИЈАРДИ ДОЛАРИ И ПРОДАВААТ 35 ВИДОВИ БОНБОНИ: Ја создадоа Нутела, а никој никогаш не ги видел нивните погони
НАД ПЕТ МИЛИОНИ ЕВРА НЕ ЧИНЕЛО ЛЕКУВАЊЕТО ВО СТРАНСТВО – еве каде најчесто се упатуваат пациентите за кои нема лек дома
СКАПИ ВИ СЕ ТАКСИ УСЛУГИТЕ? Еве колку плаќаме кај нас а колку во светот
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
НАД 900 МИЛИОНИ ЕВРА СВРТЕНИ ВО НЕДВИЖНИНИ - најмногу се купувале станови, но ни куќите не заостануваат
