Приватниот сектор заостанува во однос на платите во државната администрација

Добивај вести на Viber

3500 денари помала просечна плата земаат вработените во приватниот сектор споредбено со државните административци.

Последниот извештај на НБРМ покажува забележителни разлики во однос на просечните примања кои ги остваруваат вработените во приватниот (корпоративен сектор) во однос на вработените во државниот сектор.

Дека приватниот сектор каска зад државната администација покажува износот на просечна плата.

18 881 денар изнесувала просечната плата во приватните компании во 2015 додека на државно ниво таа изнесувала околу 22.300 денари.

Тоа значи дека месечна нето-плата кај приватниците лани пораснала  0,8 отсто или 159 денари, што е доста пониско од порастот на просечната нето-плата исплатена на сите вработени во земјата од 2,4 отсто односно 510 денари.

Еконосмките аналитичари укажуваат на политичката неизвесност во земјава која на приватниците не им нуди сигурност па компаниите се воздржуваат од зголемување на примањата на вработените.

Се спрема нов ребаланс на Буџетот, Владата ќе ги зголемува платите на администрацијата

Владата планира да ги зголемува и платите и дневниците за администрацијата со новиот ребаланс на буџетот за кој наскоро ќе се расправа во Собранието.

Имено,ќе има прераспределба на буџетските расходи за околу 32 милиони евра, колку што треба да им се исплатат на оштетените, а покрај тоа во предлогот за ребаланс на буџетот може да се забележи дека Владата врши и зголемување на парите наменети за исплата на платите во администрацијата, на ставката за патни и дневни расходи, како и кај привремените вработувања. Кај основните плати предвидено е зголемување од 8.659.000 денари, кај патните и дневни расходи 37.578.000 денари и кај привремените вработувања 8.731.000 денари, или вкупно 54.968.000 денари, што е околу 900.000 евра.