Признание за Велес и Струмица – станаа општини со поволно деловно опкружување

Добивај вести на Viber

4 македонски општини успешно го поминаа процесот на сертификација во рамки на проектот Сертификација со поволно деловно опкружување во ЈИЕ. Штип, Струмица, Струга и Велес беа вклучени како  пилот општини  во проектот. Велес и Струмица денеска го добија сертификатот за поволно деловно опкружување од националната конференција што ја организира Сојузот на стопански комори (ССК) во партнерство со Заедницата на единиците на локалната самоуправа на ЗЕЛС.

„Овој сертификат претставува  потврда дека општината се стекнала со сите предуслови кои претставуваат одредена гаранција за инвеститорот дека ќе добие ефикасна и ефективна услуга од општинската амдинистрација. Тој претставува печат дека  општината исполнила одредени стандарди  за имиџ на сериозна бизнис  дестинација што дава  одредена сигурност на потенцијалните инвеститори  за добивање квалитетни услуги, информации и натамошна поддршка од локалната власт при развивање на нивниот бизнис“, рече скопскиот градоначалник и претседател на ЗЕЛС Коце Трајановски.

Главна цел на проектот е да ја развие регионалната соработка за подобрување на ефикасноста на општините во растечката меѓународна конкуренција во економскиот сектор. Проектот е поддржан од Отворениот регионален фонд за Југоисточна Европа – Подобрување на општинските услуги при Германското друштво за интернационална соработка (ГИЗ), финансиран од германското Сојузно министерство за соработка и развој.