Промотивни услови за платежни картички во Охридска банка

Добивај вести на Viber

Охридска банка воведе атрактивни услови за картичките за физички и правни лица. Отсега сите нови и постојни корисници на VISA и MasterCard кредитните картички за физички лица можат да ги користат со намалени каматни стапки и тоа: · VISA кредитни картички – каматна стапка од 7,45%; · MasterCard кредитни картички – каматна стапка од 7,95%; Промотивните каматни стапки важат до 30 октомври 2014 година. Паралелно, Охридска банка воведе промотивни услови за VISA Бизнис дебитните картички за правни лица. Секоја издадена VISA Бизнис картичка е без годишна членарина за првата година. Дополнително, за направен годишен промет преку ПОС терминал во износ поголем од 90.000 денари по картичка, корисникот ќе биде ослободен од плаќање на членарина и за наредната година. Промоцијата важи до 01 јули 2015 година. Постојните и нови корисници на платежни картички можат да добијат детални информации во врска со актуелната понуда во експозитурите на Охридска банка, како и на веб-страницата www.ohridskabanka.mk. Каматната стапка на кредитните картички е варијабилна и изнесува 7,45% за VISA и 7,95% за MasterCard® кредитните картички (СВТ од 7,71% до 8,25%) пресметана на 01.07.2014 година за вкупен износ на кредитен лимит до 180.000 МКД и рок на отплата од 20 месеци. Каматната стапка е променлива во согласност со политиката за каматни стапки, но не е повисока од законски дозволената каматна стапка. Месечната провизија кај VISA картичките изнесува од 125 до 280 МКД а кај MasterCard® кредитните картички од 115 до 280 МКД. Останати надоместоци: трошок за меница од 100 до 500 МКД и трошок за одржување на трансакциска сметка 18 МКД месечно. Сите останати трошоци поврзани со користењето на картичките се утврдени со тарифата за физички лица на Охридска банка. Банката ги задржува правата за измени на условите.