ПРОНАЈДЕНИ КЛУЧНИ ДОКАЗИ ВО ДОМОТ НА УБИЕЦОТ ОД ПРАГА: Пронајденото оружје се совпаѓа со убиството на таткото и бебето
Објавено во: Свет 22 Декември, 2023
Чешката полиција објави нови информации од истрагата за бруталното убиство на студентите на Факултетот за уметности на Карловиот универзитет во Прага вчера. Дејвид Козак со огнено оружје убил 13 студенти и персонал од факултетот, а потоа се самоубил. Се сомничи дека претходно извршил двојно убиство во Клановичката шума, каде жртви биле татко и неговата двомесечна ќерка во количка.
„Балистичкото испитување покажа дека оружјето употребено во шумата Клановица се совпаѓа со оружјето пронајдено во куќата во која живеел стрелецот од универзитетот“, објави полицијата во Прага на социјалната мрежа Икс.
Со ова се потврдија сомнежите дека Дејвид Козак ги убил и 32-годишниот татко и неговата ќерка. Како што претходно објавија локалните медиуми, убиецот го застрелал таткото четири пати во главата, а бебето било застрелано во стомакот. Сè се случи минатиот петок околу 15 часот.
BREAKING: Czech police confirm there is a ballistic match between the weapon found at the home of the Prague university shooting suspect and the weapon used in a shooting last week.https://t.co/VG24WMG9xl
— Sky News (@SkyNews) December 22, 2023
Sky 501, Virgin 602, Freeview 233 and YouTube pic.twitter.com/iOdKKMtRTO
Телата на мажот и бебето беа пронајдени на работ од шумата, а полицијата разгледувала повеќе теории. Една од нив е дека таткото го познавал убиецот и имал состанок со него. Според втората теорија, се работи за случајно.
Инаку, откако полицијата ја пребарала куќата на Дејвид Козак и утврдила дека е полна со оружје, полицијата потоа го евакуирала просторот, што укажува дека во куќата имало и експлозив.
Фото: Принтскрин/Твитер