Пронајдено момче исчезнато во Шпанија пред шест години: Го киднапирале мајка му и дедо му, а сега им побегнал
Објавено во: Свет 15 Декември, 2023
Момче на возраст од 17 години од Англија од Олдам, кое исчезна во Шпанија во 2017 година, е пронајдено во Франција, соопштија властите.
Тинејџерот, кој се вика Алекс Бати, е пронајден во градот Ревел, источно од Тулуз.
Пред шест години, тогаш 11-годишниот Алекс бил на одмор со својата мајка и дедо, кога сите тројца исчезнале на југот на Шпанија.
Полициски извор изјави за Би-Би-Си дека Алекс бил донесен во полициската станица од загрижен возач.
Бабата на Алекс и официјален старател Сузан Каруана изјави во 2018 година дека верува дека нејзината ќерка и поранешниот сопруг го однеле во странство за да живее „алтернативен начин на живот“.
И сега, шест години по неговото исчезнување, обвинителите велат дека Алекс бил пронајден жив и здрав во близина на Тулуз, Франција, откако побегнал од „духовна заедница“.
Инспекторите веруваат дека Алекс побегнал од руралната заедница и поминал денови пешачејќи низ Пиринеите пред да го земе возач, кој го однел во полициска станица во Ревел, во близина на Тулуз.
Сузан, која никогаш не се откажа од надежта дека ќе се соедини со нејзиниот внук, рече дека верува дека нејзината ќерка и поранешниот сопруг го киднапирале Алекс за да може да живее „алтернативен начин на живот“.
- Не сакаа (Алекс) да оди на училиште, не веруваат во редовно училиште“.
Алекс полета на аеродромот во Малага во Шпанија на однапред договорено патување со мајката Мелани - која нема законско родителско старателство - и дедото Дејвид на еднонеделен престој во областа Бенахавис, во близина на Марбела на 30 септември 2017 година.
Но, Алекс, неговата мајка и дедо не се вратија дома како што се очекуваше на 8 октомври 2017 година, што предизвика опсежна полициска истрага за очигледното киднапирање на момчето.
A 17-year-old English boy from Oldham who went missing in Spain in 2017 has been found in France, authorities say. The mother & grandfather, who do not have parental guardianship are being sought in relation to his disappearance. https://t.co/P2jkEQWTJm
— Lucy Keaveney (@Luighseach) December 14, 2023
Фото: Принтскрин/Твитер