Добивај вести на Viber
Животниот век на светската популација во просек е продолжен за шест години сметано од 1990 година, соопштија експертите во студија која ја објавија во последниот број на научното списание „Лансет“.
Со новите пресметки просечниот животен век на човекот од 65,3 години сега се искачил на 71,5 години.
Опсежната анализа е изработена врз примероци од 188 земји.
Според ова истражување животниот век на мажите се зголемил за 5,8 години од 1990 до 2013 година, а за жените 6,6 години.
Во богатите земји забележан е пад на морталитетот од рак и кардиоваскуларни болести, додека во сиромашните земји забележан е пад на смртните случаи кај новороденчињата и децата.
Меѓутоа, кај децата помлади од 5 години, главните причини за смртност и понатаму остануваат да бидат инфекции на дишните патишта, маларија, детска парализа и дијареа. Од овие болести секоја година умираат околу два милиони деца на возраст до 5 години.