Протест во Прилеп против двојазичноста
Објавено во: Македонија 17 Март, 2018
Денеска во Прилеп, група граѓани кои се организирале преку социјалните мрежи протестираа против донесувањето на Законот за употреба на јазиците.
Тие блокираа дел од булеварот „Гоце Делчев“ и побараа повлекување на законот, оставка на владата и нови избори.
Прилепчани, како што велат, му даваат поддршка на претседателот Ѓорге Иванов да не го потпишува указот за законот, затоа што бил штетен за македонскиот јазик и инсистираат со попис да се утврди вистинскиот процент на малцинствата што живеат во земјава.
„Иако еве малку се собравме денеска, а протестираме овие три дена, сепак ја испраќаме пораката дека нема да дозволиме нешто да се усвои надвор од Уставот и некој да не враќа во некои „филмови“, вели Гоце Македонски кој денеска протестираше.
Граѓаните сметаат дека во државата треба да има само еден официјален јазик.
„Пораката е дека му даваме целосна поддршка на претседателот
Иванов да не го потпишува указот за Законот за употреба на јазиците. Овде во
Прилеп се зборува на македонски и ова е Македонија и само еден службен јазик
може да има во оваа држава“, вели Димко
Пирганоски, еден од демонстрантите.