Прв приоритет на Шилегов му е парното
Објавено во: Економија 26 Јули, 2018
Петре Шилегов, градоначалникот на Скопје, во разговор за Дојче Веле наведе дека главен приоритет му е регулацијата на парното да се врати под надлежност на градот.
- Она што не трпи одложување и градот мора да го добие, е заштита на сопствениот имот. Знаете дека влеговме во процес на основање на акционерско друштво за енергетика, кое ќе на градот му овозможи позиција да се јави како активен чинител во енергетската политика, во подобрување на инфраструктурата на топловодната мрежа и почнување на процесот на секундарната гасификација. Ваквата позиција ќе ни овозможи да ги креираме деловите во градот каде што ќе продолжиме со развој на топловодната мрежа, како и деловите каде што интензивно ќе ја реализираме гасификацијата - рече Шилегов меѓу преостанатото.
Градот Скопје неодамна основаше јавно претпријатие за одржување на топловодна мрежа, додека Топлификација и БЕГ се во спор за стечајна постапка.