Првите мажи имигранти тргнаа од Италија во прифатните центри во Албанија
Објавено во: Балкан 14 Октомври, 2024 16:36
Прифатните центри за мигранти што Албанија ги изгради во договор со Италија треба да прифатат 36.000 мажи и веќе се отворени за прием на првите меѓу нив.
Бродот „Либра“ на италијанската морнарица отпловил од Лампедуза и плови кон Албанија за да ја донесе првата група имигранти во прифатниот центар во пристанишниот град Шенѓин, по што ќе бидат сместени во кампот во Ѓадр.
Според договорот од 2023, Тирана се согласи Италија да испраќа до 36.000 машки мигранти секоја година во два центри за азил во северна Албанија, во градовите Шенѓин и Ѓадр.
- Извршена е првична проверка на лицата, спасени на море, а кои се префрлаат во Албанија, за да се потврди дали ги исполнуваат бараните услови: доаѓаат од безбедни земји, мажи, кои не претставуваат опасност. Со иницијативата раководи италијанското Министерство за внатрешни работи, објавија албанските медиуми повикувајќи се на АНСА.
Министерот за внатрешни работи Матео Пјантедоси минатата недела рече дека центрите „се слични на оние во Италија“ со режим на „лесен притвор“.
Двата имигрантски центри на тлото на Албанија се под надлежност на италијанските власти. Ниту еден имигрант нема да може да ги напушти овие објекти.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
