ПРВИ ФОТОГРАФИИ ОД АВИОНОТ ПО СТРАШНИТЕ ТУРБУЛЕНЦИИ: летот од Лондон до Сингапур се покажа кобен за едно лице (ФОТО)

Добивај вести на Viber

На социјалните мрежи се појавија првите снимки од авионот Боинг 777-300ЕР, кој беше фатен во силни турбуленции за време на летот од Лондон до Сингапур.

Во авионот се гледаат расфрлани работи, додека на аеродромот се паркирани амбулантни возила, а надвор има бројни медицински лица.

Едно лице загина, а повеќе од 30 се повредени на летот од Лондон до Сингапур кој го погодија силни турбуленции, јави авиокомпанијата, пренесува Би-би-си.

Авионот „Боинг 777-300ER“ кој летал за Сингапур бил пренасочен кон Бангкок и слетал во 15:45 часот по локално време.

Во авионот имало вкупно 211 патници и 18 членови на екипажот, се наведува во соопштението на Сингапур ерлајнс, кое изразува сочувство до семејството на починатиот.

One dead as London to Singapore flight hit by turbulence

One passenger has been killed and several have been injured on a Singapore Airlines flight from London to Singapore hit by severe turbulence, the airlines says.

The Boeing 777-300ER was diverted to Bangkok, where it… pic.twitter.com/ufEt9szjlC

— INDEPENDENT PRESS (@IpIndependent) May 21, 2024

Сингапур ерлајнс соопшти дека работи со локалните власти во Тајланд за да обезбеди итна медицинска помош и дека испраќа тим во Бангкок за да обезбеди дополнителна помош.

„Наш приоритет е да им обезбедиме секаква можна помош на сите патници и членови на екипажот во авионот“, се наведува во соопштението.

Сè уште не е целосно јасно што точно се случило во авионот. Дописникот на Скај њуз од Азија известува дека има некои индикации дека авионот удрил во воздушен џеб пред итно слетување.

Severe turbulence on #SingaporeAirlines flight from London to Singapore results in 1 death and several injured passengers.

This is a reminder - always have your seat belts fastened when inflight. #SQ321 pic.twitter.com/NV9yoe32ZC

— Bandit (@BanditOnYour6) May 21, 2024

Турбуленциите се вообичаени на летовите, но сериозните инциденти како овој се ретки, а турбуленциите обично не се загрижувачки.

Понекогаш може да се предвидат, а познато е дека пилотите комуницираат едни со други користејќи радар за да ги предупредат другите, но турбуленциите исто така може да се појават одеднаш. Иако е привремен феномен, може да се случи секаде и под какви било услови.