УНГАРИЈА ГО ЗЕМА НАЈГОЛЕМИОТ КРЕДИТ ДОСЕГА: Еве колку пари позајмила од Кина

Добивај вести на Viber

Унгарија позајми една милијарда евра, најголемиот заем што Будимпешта некогаш го земала, од три кинески банки, се наведува на веб-страницата на владината кредитна агенција.

Заемот, кој и го дадоа Кинеската развојна банка, Експорт-импорт банка на Кина и унгарската филијала на Банката на Кина, беше целосно повлечен на 19 април и мора да биде отплатен во рок од три години, објави Политико.

Ова прво го објави унгарското деловно издание Portfolio, а потоа го потврди и владина агенција.

Значајното задолжување се случи во време кога Будимпешта ги продлабочува врските со Пекинг, оценува бриселскиот портал.

Кинеските компании, како што се производителот на електрични автомобили BID или технолошкиот гигант Huawei, досега инвестирале вкупно околу 16 милијарди евра во земјата, изјави унгарскиот министер за надворешни работи Петер Сијарто.

Договорот за заем овозможува финансирање на инвестиции, меѓу другото, во инфраструктурата и енергетскиот сектор, велат од владината агенција за изданието Портфолио.

Трансакцијата го одржува односот на јавниот долг кон БДП во горната граница од 28,9 отсто, додаваат од владината агенција.

Во мај, Сијарто најави и голем број заеднички инфраструктурни проекти со Кина, вклучувајќи брза железница до аеродромот во Будимпешта, товарна железничка линија околу главниот град на Унгарија, нафтоводи меѓу Унгарија и Србија и нуклеарна соработка, пренесува „Политико.рс“.

Фото: Принтскрин/Твитер