ПРВО ЕКСПЛОЗИИ И ЧАД, А ПОТОА СИЛНО ВРЕСКАЊЕ, ЕДЕН ЗАГИНАТ И 26 ПОВРЕДЕНИ: Украински политичар упаднал на седница и фрлил три гранати
Објавено во: Свет 16 Декември, 2023
Член на селскиот
совет на Керетски, вчера активирал најмалку две гранати во преполна просторија
во зградата на локалната власт во западната област Закарпатија, соопшти
украинската национална полиција.
Според првичните информации, како што пишува Kyivindependent, најмалку едно лице загинало, а 26 се ранети, од кои шест се во тешка состојба. Не е јасно дали службеникот што ги активирал гранатите е ранет или убиен.
Инцидентот се истражува како потенцијален терористички напад, соопшти полицијата.
Полицијата објави видео на кое се гледа како маж влегува во преполна просторија, која ја идентификуваа како зграда на локалната власт во селото Керецки, област Закарпатија.
Потоа вади две гранати, им ги вади игличките и ги фрла на подот. Следат експлозии и врескање, а екранот е исполнет со чад.
Водеото е вознемирувачко:
Відео вибуху в селі Керецьки.
— Inside the Armed Forces of Ukraine (@Inside_the_AFU) December 15, 2023
В будівлі Керецьківської сільської ради депутат підірвав гранати. pic.twitter.com/BWiErQcv5R
Полицијата не го идентификуваше осомничениот извршител на бомбашкиот напад, но „Украинска правда“ и други медиуми тврдат дека тоа е Серхи Батрин, член на селскиот совет на партијата „Слуга на народот“.
Регионалниот медиум Zakarpattia24 сподели видео во кое Батрин се жали на други локални функционери. Zakarpattia24, исто така, рече дека Батрин претходно се расправал со колегите за зголемување на платите за време на војната за шефот на селскиот совет.
Пред да ги активира гранатите, Батрин наводно се скарал со своите колеги за ова прашање, кои одбиле да застанат на негова страна. По спорот, според наводите на Zakarpattia24, тој заминал, а потоа се вратил со гранати.