Пратениците и градоначалниците ги добија повисоките плати
Објавено во: Економија 06 Април, 2023 15:32
Пратениците и градоначалниците ги добија повисоките плати, согласно одлуката на Уставниот суд да ги укине ограничувањата на основицата, која од сега таа се смета како минатогодишната просечна плата во земјата.
Како што извести Канал 5 во вестите, мартовската плата легнала на сметките и таа е за околу 16.000 денари поголема за пратениците и за околу 10.000 денари поголема за градоначалниците.
Премиерот Димитар Ковачевски најави дека со новиот закон за плати кој е во процедура ќе се постигне нов општ колективен договор со кој ќе се регулираа и платите на функционерите, додека претседателот Стево Пендаровски рече дека се уште не ја добил мартовската плата но дека останува на ставот дека не треба да се зголемува.
- Одлуката на Уставен суд мора да се почитува, но веќе повикав Владата да направи се во нејзина моќ платите од мене па до локална самоуправа со измена на коефициенти и со измена на основица да останат како што беа досега, искоментира денеска претседателот.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
