Путин: Изненадувачки, трговската размена со САД порасна

Добивај вести на Viber

Русија ќе ги преброди сите потешкотии и ќе продолжи да се развива, изјавил денес рускиот претседател, Владимир Путин, на состанок со претставниците од горниот и долниот дом на рускиот парламент. „Русија ќе ги надмине сите потешкотии и ќе продолжи и понатаму да се развива бидејќи за тиа имаме се што е неопходно“, истакнал Путин. Тој навел дека руско – американската трговска размена пораснала за седум отсто, додека размената со Европската унија паднала за 4,3 отсто. „Трговската размена на Русија со ЕУ падна за 4,3 отсто, увозот од земјите на Унијата се намали за околу 7 – 10 отсто. Навистина, мене малку ме изненади тоа што пак размената со Соединетите Американски Држави, напротив, порасна за дури седум отсто“, нагласил Путин. Тој додал дека рускиот увоз на американските производи е зголемен на 23 отсто, додека трговската размена со азиско – пацифичкиот регион исто така е зголемена. „Кога во прашање е трговската размена со нашиот клучен трговски партнер Германија, ситуацијата е влошена, размената паднала за 3,9 отсто, а пад бележи и увозот на германски производи“, истакнал Путин. Односите помеѓу Москва и Западот се влошија поради кризата во Украина и припојувањето на Крим кон Руската Федерација. САД, ЕУ, Канада, Австралија и Нов Зеланд го усвоија првиот сет санкции против Москва.