Путин: Луѓето во Донбас не се кучиња скитници, годишно се убиваат 13-14 илјади луѓе

Добивај вести на Viber

Рускиот претседател Владимир Путин вели дека луѓето во Донбас не се кучиња скитници, и наведе дека годишно се убиваат 13-14 илјади луѓе. 

Вели дека наводите дека Русија нема да ги почитува договорите од Минск се „театар на апсурдот“.

„Украина има нуклеарна и ракетна надлежност уште од советско време. Луѓето кои се борат и ги положуваат своите животи се борат за нашата иднина“, рече Путин.

Тој посочи дека раководството на Киев мора да сфати дека, доколку продолжат во истиот дух, ќе се појави прашањето за украинската државност.

„Денешното раководство во Киев мора да разбере – ако продолжат во истиот дух, ја доведуваат во прашање иднината на украинската државност, а ако тоа се случи, тоа целосно ќе биде на нивната совест“, рече тој.

Според него, постојат многу различни опции за демилитаризација на Украина.  Путин рече дека се обиделе да го решат конфликтот во Украина на мирен начин.

„Требаше да му се дозволи на Донбас да зборува руски и да живее на свој начин, но тие организираа блокада“, вели тој. 

Тој додаде дека Русија не планира да воведе вонредна состојба.

Според него, во руската специјална операција во Украина учествуваат само офицери и изведувачи. Кажа „работата за уништување на воената инфраструктура во Украина е речиси завршена“. Вели дека работите течат според планот. Веќе десет дена има војна во Украина. Досега имаше две рунди преговори, а ќе има и трета. 

Украински и руски медиуми објавуваат дека Денис Киреев, член на првата преговарачка делегација на Украина во Гомел, ноќеска е убиен во Киев, наводно заради предавство.