Путин: Русија верува во „традиционално и здраво семејство“
Објавено во: Свет 05 Декември, 2014
Русија не е хомофобична земја за разлика од многу американски држави, вели Владимир Путин, додавајќи дека верува во „традиционално и здраво семејство“.
„Оние кои се обидуваат да ни залепат етикета на хомофобична земја се оние кои сметаат дека нетрадиционалната сексуална ориентација е кривично дело“, рекол Путин, пренсува агенцијата Бета.
Путин рекол дека во некои американски држави хомосексуалноста е криминал. Хомосексуалниот брак е легализиран во 34 од 50 држави во САД.
Русија, во која хомосексуалноста се сметала за криминал до 1993 и ментална болест до 1999 година, минатата година го усвои законот според кој со затвор се казнува хомосексуална и педофилска пропаганда кон малолетници.
Тој закон предизвикал негодување на западните земји.
„Ние не ги загрозуваме правата на сексуалните малцинства, но нашиот стратешки избор е традиционално и здраво семејство. Едното не го исклучува другото“, рекол Путин на состанокот со членовите на претседателскиот одбор за човечки права.
Путин во неколку наврати ги оценил како декадентни некои вредности кои се почитуваат во западните земји.