ПУТИН ЗА ИДЕЈАТА НА ТРАМП ЗА ГРЕНЛАНД: Би било голема грешка да се мисли дека ова е само некоја ексцентрична приказна

Добивај вести на Viber

Рускиот претседател Владимир Путин вели дека Русија ќе ги брани своите интереси на Арктикот и бројот на војници таму ќе расте, јави Скај Њуз. Путин ја коментираше состојбата со островот Гренланд за кој американскиот претседател Доналд Трамп повеќепати изјави дека сака да го припои кон САД.

Путин вели дека би било голема грешка да се мисли дека ова е само некоја ексцентрична приказна за новата американска администрација, бидејќи не е. 

„Слични планови првпат беа јавно претставени во Вашингтон во 1860-тите, но предлогот за анексија на Гренланд и Исланд беше одбиен од Конгресот во тоа време. Овие планови имаат длабоки историски корени и очигледно е дека САД ќе продолжат да ги туркаат своите геополитички, воени и економски интереси на Арктикот. Прашањето за Гренланд нема никаква врска со Русија, но ние сме загрижени поради фактот што земјите од НАТО сè повеќе го признаваат далечниот север како упориште за можни конфликти. Русија сигурно ќе ги брани своите интереси на Арктикот, бројот на војници таму ќе расте. Русија ќе одговори и на вклучувањето на Финска и Шведска во активностите на Алијансата“, рече Путин.

Жителите на Гренланд не сакаат спојување со САД. Но, и помалку од 20 отсто од Американците се сложуваат Гренланд и Канада да бидат дел од САД.