РАМА СЕ СОГЛАСИ: Албанија ќе ги прифаќа бегалците од Авганистан
Објавено во: Балкан 15 Август, 2021
Премиерот на Албанија Еди Рама го прифати барањето на САД, Албанија да биде транзитна земја за бегалците од Авганистан Тој изјави денеска дека земјата е подготвена привремено да преземе бегалци кои ќе доажаат од Авганистан. Ќе се преземаат авганистанските бегалци кои бараат виза за Америка.
Тој наведе дека американската администрација неодамна побарала од Албанија да процени дали може да биде транзитна земја за голем број бегалци од Авганистан, чија крајна дестинација се САД.
„Нема да кажеме не, не само затоа што нашите големи сојузници го бараат тоа од нас, туку затоа што ние сме Албанија“, напиша Рама на Фејсбук.
Според некои извори, администрацијата на претседателот Џо Бајден преговара и со Косово и со Албанија за заштита на авганистанските бегалци поврзани со САД од одмазда на Талибанците, додека не се решат нивните американски визни барања.
Во 2014 година, Албанија прими околу 3.000 членови на Народната муџахединска организација на Иран и тие се населија во камп недалеку од Драч.