Раст на индустриското производство во февруари
Објавено во: Економија 27 Март, 2013 20:02
Раст од 4,4 % забележа индустриското производство во февруари годинава во однос на февруари лани. Според Државниот завод за статистика, индустриското производство во секторот Рударство и вадење камен во февруари 2013 година, во однос на февруари 2012 година, бележи пораст од 17,7 отсто, во секторот Преработувачка индустрија бележи пораст од 4,4 отсто, додека во секторот Снабдување со електрична енергија, гас, пареа и климатизација има пад од 3,6 отсто.
Во однос на главните индустриски групи, производството во февруари 2013 година, во однос на истиот месец лани, бележи пораст кај Интермедијарни производи, освен енергија за 7,9 отсто, Трајни производи за широка потрошувачка за 7,2 отсто и Нетрајни производи за широка потрошувачка за 12 отсто. Пад има во групата Енергија за 6,8 отсто и Капитални производи за 7 отсто.
Индустриското производство во периодот јануари - февруари 2013 година, во однос на првите два месеца од минатата година забележа раст од 1,9 отсто.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
