РАСТЕ ДОВЕРБАТА ВО ДЕНАРОТ: Се навикнавме и на политичката криза!

Добивај вести на Viber

Расте штедењето. По неколкуте критични месеци, во јули, според податоците од Народната Банка е регистриран раст на вкупната депозитна база во банките. Така, на крајот од седмиот месец вкупното штедење изнесувало 4 милијарди и 823 милиони евра и во однос на јуни, или само за еден месец е зголемено за 10,1 милион евра. Според јулскиот тренд, пораст има и кај денарското и кај девизното штедење. Вредноста на денарските штедни влoгови и натаму доминира во валутната структура на депозитите. Вкупни депозити, јули: денарско штедење 2 793 447 154 евра девизно штедење 2 030 130 081 евра Во јули, регистриран е зголемување на депозитната база на нефинасискиот, односно приватниот сектор и таа достигна ниво од 1 милијарда и 187 милиони евра. Штењето на населението раст, па та така во јули граѓаните во банките чувале 3,3 милијарди евра. Кај населението и натаму доминантно останува штедењето во денари, но тоа е речиси блиску до нивото на штедни влогови во девизи. Така, вредноста на денарските депозити заклучно со јули изнесува 1 милијарда и 700 милиони евра додека девизното штедење е на ниво од 1 милијарда и 622 милиони евра. Трендот на штедење се влоши во април и мај, кога беше регистриран пад на депозитната база поради растот на ризиците од политичката криза, одразени со зголемена неизвесност и страв од губење на вредноста на домашната валута. Само во тој период од банките беа извлечени стотина милиони евра. Р.Ф.