РАЗНЕСУВАЊЕ НА „СЕВЕРЕН ТЕК“: Путин вели дека Украина не стои зад нападот, посочи друга земја

Добивај вести на Viber

Според рускиот претседател, Владимир Путин, најверојатно Американците го разнесоа гасоводот „Северен тек“.  Тој денеска излезе со ова тврдење. 

„Фактот што Европа не добива доволно гас е нивен проблем. Колку и да изгледа чудно, тие се обидоа да не обвинат што не продадовме ништо. Ова е целосна глупост, бидејќи не го затворивме гасоводот Јамал-Европа во Полска, не го затворивме вториот крак од гасоводот низ Украина. Украина го направи тоа. Ние не го кренавме во воздух „Северен тек 1“ и делумно „Северен тек 2“. Тоа веројатно го направија Американците или некој го направи по нивен предлог“, изјави Путин на годишната конференција, пренесува Спутник.

Експлозиите на двата руски гасоводи „Северен Тек 1“ и „Северен Тек 2“ се случија на 26 септември лани.  Германија, Данска и Шведска не ја отфрлија можноста дека била цел на саботажа, а руското обвинителство покрена постапка за чинот „меѓународен тероризам“. Украина се огради, но потоа имаше тврдење дека украинско воено лице е вмешано во разнесувањето на гасоводот. 

Украинскиот претседател Владимир Зеленски денеска ги повика лидерите на Европската унија да ги отворат преговорите за членство на Украина. ЕУ тоа и го направи во текот на денот.