Разочараноста од Македонија стигна до „Њујорк тајмс“

Добивај вести на Viber

„Разачораноста“ на Советот од Европа од недоволната анти-корупциска имплементација на мерките во Македонија беше објавена во „Њујорк тајсм“.

Под наслов „Европските монитори ја нарекоа Македонија разочарување“, американскиот весник го цитира извештајот на ГРЕКО во кој борбата на Македонија против корупцијата се дефинира како „целосно разочарувачка“ и се повикуваат македонските власти да преземат активности за таа состојба да се промени. Антикорупциското тело на Советот на Европа во извештајот објавен во четвртокот наведува дека нема видлив напредок по препораките дадени уште пред цели четири години за спречување на корупцијата кај пратениците, судиите и обвинителите.

Според ГРЕКО, само 6 од 19 препораки за борба против корупцијата се имплементирани задоволително. Препораките кои се однесуваат за спречување на корупцијата кај извршната власт, не се применети воопшто. Извештајот нотира минимален напредок кај борбата против корупцијата во судството.

Во извештајот се заклучува дека сегашното многу ниско ниво на усогласеност со препораките е “глобално незадоволително” и се бара од шефот на делегацијата за Македонија  да презентира нов извештај за напредокот во имплементацијата на препораките, што е можно побрзо, најдоцна, до 30-ти јуни следната година.