Реџепи: Верниците во своите домови да го клањаат пладневниот намаз
Објавено во: Македонија, Корона Вирус 17 Март, 2020
Исламската верска заедница (ИВЗ) соопшти дека ќе ги прекине молитвите со верниците кои се спроведуваат во џамија.
„Нема да се клања Џума Намазот во џамиите и затоа верниците се должни наместо Џума Намазот, во своите домови да го клањаат пладневниот намаз“ – изјави поглаварот на ИВЗ, Сулејман Реџепи.
Вицепремиерот Бујар Османи побара одлуката на ИВЗ да ја следат и останатите верски заедници.
Власта презема низа мерки со цел да се спречи ширењето на коронавирусот.
За оние кои не ги почитуваат мерките ќе има казни.