Рекорден буџет за Барса, триото „МСН“ ќе заработува по милион евра неделно
Објавено во: Спорт 12 Октомври, 2016
Барселона се подготвува да претстави буџет кој ќе биде рекорден за клубот. Се очекува на генералното собрание на 29 октомври да биде прогласен износ од 695 милиони евра за сезоната 2016-2017, пишува „Мундо Депортиво“.
Тоа е за 2% повеќе во однос на претходната финансиска година, кога буџетот беше 679 милиони.
Финансискиот извештај предвидува добивка по даноци од 21 милиони евра. Според информациите оперативните трошоци ќе бидат во износ од 633 милиони.
Добрите финансиски резултати и работата со спонзорите им овозможи на каталонците да започнат со продолжување на договорите со ѕвездите. По Лионел Меси и Нејмар, се очекува и Луис Суарез да го продолжи договорот. Ако тоа се случи, се очекува тројцата да добиваат вкупно по над 1 милион евра неделно.
