Рекордери: Хрватите со највисоки плати во регионот, ги поминаа и Чесите

Добивај вести на Viber

Вработени во Хрватска во споредба со оние во Србија имаат за дури 77% повисоки плати. Просечната плата во Хрватска е повисока за 15% од платата на Словаците, за 14% од Унгарците и за 5% од Чесите. Во однос на Босна и Херцеговина, во просек, хрватските плати се повисоки за 39%, покажува студијата на онлајн сервисот „MojaPlaća“. Во изминатите три месеци просечно хрватско плата беше 5.501 куни( 728 евра), што е 0,7% помалку отколку во претходниот период. Сепак, ако на тоа се додадат бонусите како и останатите додатоци за Божиќ бонуси, кои засега се сигурни само во државниот сектор, тогаш износот на просечната плата ќе биде 5601 куни. Во последните три месеци, мажите имале просек 9% повисока плата од жените. Разлики во платите може да се забележат и  во однос на сопственичката структура на компанијата: платата во приватни фирми со странска сопственост е за 13% повисока од просечната плата, додека платите во домашните приватни компании сопственост на Хрвати, се за 7% пониски од просечните иако вработените имаат идентични договори. Платите во државните претпријатија, јавната и локалната администрација биле за 3% повисоки од просечната. Извор Јутарњи лист Платата, во зависност од големината на компаниите, кај оние со помалку од 10 вработени биле 13% под просекот, додека фирмите со над 1000 вработени, даваат плати за 6% повисоки од просекот. Просечната месечна исплатена нето-плата во Хрватска во септември оваа година изнесувала 5366куни (710 евра), покажуваат податоците на Државниот завод за статистика. На годишно ниво според статистиката, просечната бруто плата бележи пад од 0,5 отсто или 38 куни.