Република Српска произведува електричен автомобил, ќе чини до 5 илјади евра

Добивај вести на Viber

Во Република Српска од следната година ќе се произведуваат автомобили на електричен погон, благодарение на договорот што Стопанското здружение „Никола Тесла“ го оствари со германскиот произведувач на овие возила.

„Цената на електромобилот ќе се движи од 2.500 до 5.000 евра, а секој купувач на заштеда на горивото ќе ја отплати оваа цена, изјави вршителот на должност директор на здружението Драган Вучетиќ. Според него, на Интернет страницата на фирмата ќе биде објавен конкурс за избор на стратешки партнери за производство на одделни делови и монтажа на електромобилот, бидејќи тој ќе се состои од 2.000 различни компоненти. Во првата серија е планирано да се произведат 300 автомобили, по што ако се исполнат условите , во Република Српска ќе се почне со сериско производство на автомобилот, појаснува Вучетиќ. Како што пренесува Б92, тој соопштил и дека прв купувач на електромобилите ќе биде германската пошта. „Ако има интерес и на пазарите на бивша Југославија, тогаш овој автомобил ќе може да го продаваме и како свој бренд“, вели Вучетиќ и додава дека во моментов се работи на батерија за автомобилот која ќе се полни за само 30 минути. Стопанското здружение „Никола Тесла“ го основа Владата на Република Српска во октомври 2012 година со цел да работи на производство, применето истражување и експериментален развој. Исто така како главна цел на подолг рок е зајакнување на извозот преку склучување договори со странски купувачи.