РОБОТИТЕ ГИ НАМАЛУВААТ ТРОШОЦИТЕ ЗА РАБОТНА СИЛА: Сепак експертите велат дека тие не се закана за вработените
Објавено во: Економија 13 Октомври, 2024
Роботите ги намалуваат трошоците за работна сила за 95 отсто.
Автоматизацијата не е закана за вработените, туку начин да ги ослободите од тешките и опасни работни места. Дино Сканси, директор во Мастрој, вели дека имплементацијата на роботи во производството може да ги намали трошоците за работна сила за дури 95 проценти во одредени производни сектори. Исто така, компаниите кои воведоа автоматизација на деловните процеси бележат значителна заштеда на време и ресурси, што директно се рефлектира во зголемувањето на продуктивноста и намалувањето на оперативните трошоци, пишува порталот „Пословни“.
Според едно истражување околу 90 отсто од работниците веруваат дека автоматизацијата ја зголемува нивната продуктивност, додека 85 отсто од нив веруваат дека технологијата значително ја подобрува соработката помеѓу тимовите во рамките на компанијата, што носи задоволство на работното место.