РОК 3 ГОДИНИ: Сите нови автомобили во ЕУ ова ќе мора да го имаат!
Објавено во: Свет 01 Април, 2018
Сите нови автомобили продадени во Европската унија ќе мора да имаат вграден специјален систем кој ја повикува итната помош во случај на сообраќајна несреќа.
Генералниот секретар на европската асоцијација на произведувачи на автомобили ACEA Ерик Јонерт рекол дека системот „eCall“ има потенцијал да спаси многу животи со намалување на времето на реакцијата на итната помош.
Сензорите во автомобилот автоматски ќе ја покажуваат локацијата времето и насоката во која се движело возилото кога се случила несреќата.
„eCall“ системот го одобриле 28 членки на ЕУ и овој викенд поминува тригодишниот преоден период.