Рокот за изградба на автопатот Кичево – Охрид се продолжува
Објавено во: Македонија 21 Март, 2018
Владата на Република Македонија на вчерашната седница го прифати текстот на Анексот бр. 1 кон Договорот за изградба на патна делница Кичево –Охрид Охрид заради продолжување на рокот за изградба помеѓу Јавното претпријатие за државни патишта и Sinohydro Corporation Limited.
„Владата на Република Македонија ја разгледа и ја усвои Информацијата за потребата од донесување на Закон за дополнување на Законот за реализација на инфраструктурни проекти за изградба на патна делница Миладиновци - Штип и патна делница Кичево - Охрид, и го разгледа и го прифати текстот на Анексот бр. 1 кон Договорот за изградба на патна делница Кичево - Охрид заради продолжување на рокот за изградба помеѓу Јавното претпријатие за државни патишта и Sinohydro Corporation Limited“, наведуваат во соопштението од владината прес-службаИзградбата на оваа автопатска делница беше стопирана, бидејќи имаше грешка во трасата.
Автопатот Кичево –Охрид во должина од 57 километри почна да се гради во 2014 година и требаше да биде готов во јануари годинава. Цената на потпишаниот договор за овој автопат беше 373 милиони евра, но по откриените бројни нерегуларности и нерешени имотно правни односи се чека на потпишување на анекс на договорот.