Добивај вести на Viber
Премиерот на Русија, Дмитриј Медведев, потпиша декрет со кој се наредува формирање комисија за хуманитарна помош во областите зафатени од воени конфликти во регионот Донбас на југоистокот во украина, објави денеска Владата на Русија на својот интернет сајт.
Комисијата се основа поради исклучително тешката хуманитарна ситуација на југоистокот во Украина во областа Луганск и Донецк, каде голем број куќи, згради и институции се срушени, а народот, претежно руски, живее во крајна беда.
Комисијата, која ќе биде предводена од заменик рускиот министер за економија и развој, ќе делува во регионот Ростов, пренесува агенцијата „Тасс“.
Претставници и на другите министерства и агенции исто така ќе бидат ангажирани во оваа хуманитарна комисија.