Русија ги повлекува војниците откако украинската армија влезе во градот Лиман
Објавено во: Свет 01 Октомври, 2022
Русија објави дека ги повлекла своите војници од претходно окупираниот град Лиман, а Украина во тој град опколила неколку илјади руски војници.
Лиман е 160 километри југоисточно од Харков, вториот по големина град во Украина.
Украинските сили ја преминаа реката Оскил во контраофанзива во која Киев повторно зазеде големи делови од територијата, која започна во септември.
Лиман, клучен транспортен центар, беше важно место на руската линија на фронтот за комуникација и логистика.
Сега Украина може да продолжи да напредува кон Луганск, кој е еден од четирите региони кои вчера ги анектираше Русија.